spotnewswebsite@gmail.com
പാട്ന: ബിഹാറില് കാര് മോഷണം പോകുമെന്ന് ഭയന്ന് ഉടമയുടെ വിചിത്ര നടപടി. ക്രെയ്ന് ഉപയോഗിച്ച് കാര് വീടിന്റെ രണ്ടാം നിലയിലേക്ക് ലിഫ്റ്റ് ചെയ്യുകയായിരുന്നു. ബിഹാറിലെ ഗോപാല്ഗഞ്ചിലെ ഒരു വീട്ടിലാണ് സംഭവം. മഹീന്ദ്ര സ്കോര്പിയോ ക്ലാസിക് മോഡല് വാഹനമാണ് മനോജ് യാദവ് എന്നയാള് വീടിന് മുകളിലേക്ക് കയറ്റിയത്.
വാഹനം ഉയര്ത്തി വീടിന്റെ രണ്ടാം നിലയിലേക്ക് ശ്രദ്ധാപൂര്വം വെക്കുന്ന ദൃശ്യങ്ങള് അടങ്ങിയ വീഡിയോ സമൂഹമാധ്യമങ്ങളില് വൈറലായിട്ടുണ്ട്. അടുത്തിടെയാണ് മനോജ് യാദവ് വാഹനം വാങ്ങിയതെന്നാണ് വിവരം. ഇസ്രായേലില് ജോലി ചെയ്യുന്ന യാദവ്, താന് വിദേശത്തായിരിക്കുമ്പോള് വാഹനം ഡ്രൈവറെയാണ് ഏല്പ്പിക്കുന്നത്. വാഹനത്തിന്റെ സുരക്ഷ സംബന്ധിച്ച് ആശങ്കകള് ഉയര്ന്നതോടെയാണ് കടുത്ത നടപടി. മോഷണത്തില് നിന്ന് സംരക്ഷിക്കുന്നതിനായി കാര് കെട്ടിടത്തിന്റെ മുകള്നിലയിലേക്ക് മാറ്റാന് കുടുംബം തീരുമാനിക്കുകയായിരുന്നു.
