‘പ്രതിസന്ധികൾ നേരിട്ടപ്പോഴെല്ലാം കൂട്ടായി’, ശരീരത്തിൽ 83 മിക്കിമൗസ് ടാറ്റുകൾ പതിപ്പിച്ച് യുവതി, ഗിന്നസ് വേൾഡ് റെക്കോർഡ്

Spread the love

വാഷിങ്ടൻ ∙ ഒരേ കാർട്ടൂൺ കഥാപാത്രത്തിന്റെ ഏറ്റവും കൂടുതൽ ടാറ്റുകൾ ശരീരത്തിൽ പതിപ്പിച്ചതിനുള്ള ഗിന്നസ് വേൾഡ് റെക്കോർഡ് സ്വന്തമാക്കി അമേരിക്കൻ യുവതി. നോർത്ത് കരോലിനയിലെ ഫയെറ്റ്‌വില്ലെയിൽ താമസിക്കുന്ന ആൻഡ്രിയ ഷ്മിഡ് ടിമ്മൻസ് ആണ് 83 മിക്കി മൗസ് ടാറ്റുകളുമായി അപൂർവ നേട്ടം കൈവരിച്ചത്. ഡിസ്നി കഥാപാത്രമായ മിക്കി മൗസിനോടുള്ള ആജീവനാന്ത പ്രണയമാണ് ആൻഡ്രിയയെ ലോകറെക്കോർഡിലേക്ക് എത്തിച്ചത്.

 

1967ൽ ജർമനിയിലെ ഉൽമിലാണ് ആൻഡ്രിയ ജനിച്ചത്. ആറാം വയസ്സിൽ, 1973ൽ അമ്മയോടൊപ്പം അമേരിക്കയിലേക്ക് താമസം മാറിയതോടെയാണ് ടെലിവിഷനിലൂടെ മിക്കി മൗസിനെ കണ്ടുതുടങ്ങിയത്. മിക്കിയുടെ സന്തോഷകരമായ പ്രകൃതവും ദയയും കനിവും ആൻഡ്രിയയെ ആകർഷിച്ചു. സിനിമകളിലും ടെലിവിഷൻ പരിപാടികളിലും ഡിസ്നിലാൻഡിലുമെല്ലാം നിറഞ്ഞുനിൽക്കുന്ന മിക്കി മൗസ് അവരുടെ ജീവിതത്തിന്റെ ഭാഗമായി മാറുകയായിരുന്നു.

 

വർഷങ്ങൾ പിന്നിട്ടതോടെ ആൻഡ്രിയയുടെ വീട് മിക്കി മൗസ് പാവകളും പോസ്റ്ററുകളും മറ്റ് ശേഖരങ്ങളും കൊണ്ട് നിറഞ്ഞു. വീടിനുള്ളിലെ ശേഖരത്തിനു പുറമെ ശരീരത്തിലും മിക്കി മൗസിന്റെ ചിത്രങ്ങൾ ടാറ്റു ചെയ്യാൻ അവർ തീരുമാനിച്ചു. പുറംഭാഗത്തും ഇടതുകൈയിലും ശരീരത്തിന്റെ മറ്റ് ഭാഗങ്ങളിലുമായി 83 മിക്കി മൗസ് ടാറ്റുകളാണ് ഇപ്പോഴുള്ളത്.

 

ഇനിയും കൂടുതൽ ടാറ്റുകൾ ചെയ്യാനാണ് ആൻഡ്രിയയുടെ തീരുമാനം. ജീവിതത്തിൽ പ്രതിസന്ധികൾ നേരിട്ട ഘട്ടങ്ങളിലെല്ലാം മിക്കി മൗസ് തനിക്ക് വലിയ സന്തോഷവും പോസിറ്റീവ് എനർജിയും നൽകിയെന്ന് ആൻഡ്രിയ പറയുന്നു. എത്ര വലിയ വിഷമഘട്ടങ്ങളിലും മിക്കി മൗസിനെ കാണുന്നത് തന്റെ മുഖത്ത് പുഞ്ചിരി വിടർത്താറുണ്ടെന്നും അവർ പറഞ്ഞു.

  • Related Posts

    യുഎസിൽ ‘ഇന്ത്യക്കാരി’ നവജാതശിശുവിന്റെ മൃതദേഹം ചവറ്റുകുട്ടയിൽ ഉപേക്ഷിച്ചു; ഗർഭിണിയാണെന്ന് അറിഞ്ഞില്ലെന്ന് യുവതി

    Spread the love

    Spread the loveഒഹായോ∙‌ നവജാതശിശുവിന്റെ മൃതദേഹം ചവറ്റുകുട്ടയിൽ ഉപേക്ഷിച്ച സംഭവത്തിൽ യുഎസിൽ ഇന്ത്യൻ വംശജയ്ക്ക് ശിക്ഷ. കേസിൽ അനുരാധ മണുകോണ്ട (27) കുറ്റം സമ്മതിച്ചതിനെ തുടർന്ന് മൂന്ന് മാസത്തെ തടവുശിക്ഷയും അഞ്ച് വർഷത്തെ പ്രൊബേഷനും കോടതി വിധിച്ചു. ഈ മാസം ഏഴിന്…

    3,150 വജ്രങ്ങൾ പതിപ്പിച്ച ആ വിസ്മയ കിരീടം ഇനി ആരുടെ ശിരസ്സിൽ? ലോകത്തിലെ 121 സുന്ദരിമാർ മാറ്റുരയ്ക്കുന്ന ആ മഹാവേദി; 75 വർഷത്തെ ചരിത്രം തിരുത്തിക്കുറിക്കാൻ ആ മഹാവേദി!

    Spread the love

    Spread the loveലോകമെമ്പാടുമുള്ള ഫാഷൻ പ്രേമികളും സൗന്ദര്യമത്സര ആസ്വാദകരും ഏറെ ആകാംക്ഷയോടെ കാത്തിരിക്കുന്ന ‘മിസ് യൂണിവേഴ്സ്’ മത്സരത്തിന്റെ 75-ാം വാർഷിക ആഘോഷങ്ങൾക്കു പ്യൂർട്ടോ റിക്കോയിൽ അരങ്ങേറ്റമായിരിക്കുന്നു. സൗന്ദര്യമത്സര ലോകത്തെ ഏറ്റവും വലിയ ആഗോള മാമാങ്കത്തിന്റെ ഈ ചരിത്രമുഹൂർത്തത്തെ അവിസ്മരണീയമാക്കാൻ സംഘാടകർ അത്യന്തം…

    Leave a Reply

    Your email address will not be published. Required fields are marked *