spotnewswebsite@gmail.com
തിരുവനന്തപുരം∙ പാറശാലയില് കനത്ത മഴയില് താഴേക്കു പതിച്ച കൂറ്റന് പാറയ്ക്കടിയില് കുടുങ്ങിയ വീട്ടമ്മയ്ക്ക് അദ്ഭുത രക്ഷപ്പെടല്. പുലക്കാവിളക്ക് സമീപം കുഴിവിള വീട്ടില് മണിയന്റെ ഭാര്യയാണ് രാജകുമാരിയാണ് പാറയ്ക്കടയില് ഒരു മണിക്കൂറോളം കുടുങ്ങിക്കിടന്നത്. രാവിലെ കനത്തമഴയില് വീടിന് സമീപത്തെ കൂറ്റന് പാറ താഴേക്ക് പതിക്കുകയായിരുന്നു.
രാജകുമാറി ശുചിമുറിയിലേക്കു പോകുന്നതിനിടയൊണ് സംഭവമുണ്ടായത്. ശുചിമുറിയുടെ തൊട്ടടുത്ത് എത്തിയപ്പോഴാണ് കൂറ്റന്പാറ രാജകുമാരിയുടെ മുകളിലേക്ക് പതിച്ചത്. ഓടി മാറാന് നോക്കിയെങ്കിലും പാറയ്ക്കടിയില് പെട്ടുപോയി. തകര്ന്ന ശുചിമുറിക്കും പാറയ്ക്കും ഇടയില് പെട്ട വീട്ടമ്മയെ പാറശാല അഗ്നിശമനവിഭാഗവും പൊലീസും ചേര്ന്ന് ഒരു മണിക്കൂറിലേറെ ശ്രമിച്ചാണ് പുറത്തെടുത്ത്. വീടിന് സമീപത്തെ മതില് പൊളിച്ചുമാറ്റി ജെസിബി എത്തിച്ചാണ് പാറ നീക്കിയത്. അരയ്ക്ക് താഴെ പരുക്കേറ്റ രാജകുമാരിയെ കാരക്കോണം മെഡിക്കല് കോളജ് ആശുപത്രിയിലേക്കു മാറ്റി.
