കോഴിക്കോട്∙ ഫുട്ബോൾ കളിക്കുന്നതിനിടെ ടർഫ് ഗ്രൗണ്ടിൽ കുഴഞ്ഞുവീണ് പ്ലസ്‌ടു വിദ്യാർഥി മരിച്ചു. പയ്യാനക്കൽ വലിയതൊടി പറമ്പിൽ ആയിഷാസിൽ അഹമ്മദ് കോയയുടെ (ബഷീർ) മകൻ കെ.പി. മുആദ് (18) ആണ് മരിച്ചത്. ചൊവ്വാഴ്ച വൈകിട്ട് കൂട്ടുകാർക്കൊപ്പം മാങ്കാവിന് സമീപം മാനാരിയിലുള്ള ടർഫ് ഗ്രൗണ്ടിൽ ഫുട്ബോൾ കളിക്കുന്നതിനിടെ കുഴഞ്ഞു വീഴുകയായിരുന്നു.

 

ഉടൻതന്നെ കൂടെയുണ്ടായിരുന്നവരും നാട്ടുകാരും ചേർന്നു സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കോഴിക്കോട് മലബാർ ക്രിസ്ത്യൻ കോളജ് ഹയർ സെക്കൻഡറി സ്‌കൂളിലെ പ്ലസ്‌ടു കൊമേഴ്സ് വിദ്യാർഥിയാണ്.

 

മൃതദേഹം കോഴിക്കോട് മെഡിക്കൽ കോളജ് മോർച്ചറിയിലേക്ക് മാറ്റി. സംഭവത്തിൽ പന്തീരാങ്കാവ് പൊലീസ് തുടർനടപടികൾ സ്വീകരിച്ചു. മാതാവ്: മുൻഫിക്കത്ത്. സഹോദരങ്ങൾ: ആയിഷ, ഹന്നത്ത്, പരേതനായ അഫ്രീദ്. സഹോദരി ഭർത്താവ്: സലാഹ്.