മംഗളൂരു ∙ ‘ദാവൂദ്, റൈസ് ഓഫ് എ ഡോൺ’ എന്ന സ്റ്റിക്കർ പതിപ്പിച്ച സ്വകാര്യ ടൂറിസ്റ്റ് ബസ് പൊലീസ് കസ്റ്റഡിയിലെടുത്തു; എഴുത്തു മറച്ചശേഷം താക്കീത് നൽകി വിട്ടയച്ചു. കേരളത്തിൽനിന്നു കോളജ് വിദ്യാർഥികളുമായി ചിക്കമഗളൂരുവിൽ വിനോദയാത്രയ്ക്കെത്തിയ ബസാണ് കസ്റ്റഡിയിലെടുത്തത്.

എഴുത്ത് അധോലോക കുറ്റവാളിയെ പ്രകീർത്തിക്കുന്നതാണെന്ന് ആരോപിച്ച് പ്രദേശത്തെ ഹിന്ദുത്വ സംഘടനാ നേതാക്കളും ബസ് ജീവനക്കാരും തമ്മിൽ വാക്കുതർക്കമുണ്ടായിരുന്നു. തുടർന്നാണ് പൊലീസ് ബസ് കസ്റ്റഡിയിലെടുത്തത്. മാസങ്ങൾക്കുമുൻപ് തമിഴ്നാട്ടിൽനിന്നെത്തിയ ദാവൂദ് എന്ന പേരുള്ള ബസിലെ ജീവനക്കാരുമായും തർക്കമുണ്ടായിരുന്നു.