ലണ്ടൻ∙ ബ്രിട്ടിഷ് കൊമീഡിയനും ഹോളിവുഡ് താരവുമായ റസൽ ബ്രാൻഡിനു പീഡനക്കേസിൽ പത്തരവർഷത്തെ തടവുശിക്ഷ വിധിച്ചു. സ്ത്രീയെ ലൈംഗികമായി പീഡിപ്പിച്ചതിനും പെൺകുട്ടിയടക്കം മൂന്നുപേർക്കുനേരെ ശാരീരിക അതിക്രമം നടത്തിയതിനുമാണിത്. 2004, 2009 വർഷങ്ങളിലാണു കേസിനാധാരമായ സംഭവങ്ങൾ നടന്നത്.

 

ലണ്ടൻ കോടതിയിലെ വിചാരണ നടപടികൾക്കിടെ ആറ് സ്ത്രീകൾ റസലിനെതിരെ തെളിവുകൾ സമർപ്പിച്ചു. കഴിഞ്ഞ ആഴ്ചയാണ് റസലിനെതിരെ ചുമത്തപ്പെട്ട ഏഴു കേസുകളിൽ നാലെണ്ണത്തിൽ അയാൾ കുറ്റക്കാരനാണെന്നു കണ്ടെത്തിയത്. ഇതിൽ 2009 ൽ തന്റെ കോമഡി ഷോ കാണാനെത്തിയ ആരാധികയെ ബംലാത്സംഗം ചെയ്തതും 2004 നും 2009 നും ഇടയിൽ മറ്റു മൂന്നു പേരെ ശാരീരിക അതിക്രമത്തിന് ഇരയാക്കിയതും ഉൾപ്പെടുന്നു. ബാർ, റേഡിയോ സ്റ്റേഷൻ, ടെലിവിഷൻ സ്റ്റുഡിയോ എന്നിങ്ങനെ വിവിധ സ്ഥലങ്ങളിൽ വച്ചാണ് പീഡനം നടന്നതെന്നാണു വിവരം.

 

ശിക്ഷാകാലത്തിന്റെ മൂന്നിൽരണ്ട് ഭാഗം റസൽ ജയിലിൽ കഴിയണം. ബാക്കിക്കാലം നിയന്ത്രണങ്ങളോടെ പുറത്തുകഴിയാം. അൻപത്തൊന്നുകാരനായ റസൽ ഗായിക കെയ്റ്റി പെറിയുടെ മുൻഭർത്താവാണ്.