spotnewswebsite@gmail.com
ദുബൈ: യുഎഇയിൽ ഗൂഗിൾ മാപ്സ് പ്രവർത്തിക്കാത്തതിനെക്കുറിച്ച് തമാശരൂപേണയുള്ള റീല് പങ്കുവച്ച ഇന്ത്യന് സ്റ്റാന്ഡപ്പ് കൊമേഡിയനെ നാടുകടത്തി. യഷ് ഭരദ്വാജിനെയാണ് 47 ദിവസം തടങ്കലില് പാര്പ്പിച്ച ശേഷം ഇന്ത്യയിലേക്ക് നാടുകടത്തിയത്. ഇന്സ്റ്റഗ്രാമിലൂടെ യഷ് തന്നെയാണ് സോഷ്യൽ മീഡിയയിലൂടെ ഈ വിവരം വെളിപ്പെടുത്തിയത്. ഉദ്യോഗസ്ഥരുടെ പ്രവർത്തിയിൽ തനിക്ക് ഏറെ വേദന തോന്നി എന്നും അദ്ദേഹം പറഞ്ഞു
കഴിഞ്ഞ മാര്ച്ചിലായിരുന്നു സംഭവം നടന്നത്. പശ്ചിമേഷ്യയിലെ സംഘര്ഷത്തെ തുടര്ന്ന് ദുബൈയില് ഗൂഗിള് മാപ് പ്രവര്ത്തിക്കുന്നില്ല എന്നായിരുന്നു യഷ് സാമൂഹിക മാധ്യമങ്ങളിൽ പങ്ക് വെച്ച റീലിന്റെ ഉള്ളടക്കം. സംഘര്ഷർഷത്തിന് പിന്നാലെ ദുബൈയിലുണ്ടായ സാഹചര്യം വിവരിക്കുകയായിരുന്നു യഷിൻറെ ഉദ്ദേശ്യം. എന്നാൽ റീൽ വൈറൽ ആയതോടെ കാര്യങ്ങൾ കൈവിട്ട പോയി.
ദുബൈ പൊലീസില് നിന്നും യഷിന് ഒരു കാൾ വരുകയും ഉടൻ പൊലീസ് ആസ്ഥാനത്ത് ഹാജരാകാന് നിർദേശം നൽകുകയും ചെയ്തു. പൊലീസ് ആസ്ഥാനത്ത് എത്തിയ ഉടൻ തന്നെ തന്നെ തടവിലാക്കുക ആയിരുന്നു എന്ന് യഷ് പറയുന്നു. തമാശരൂപേണയുള്ള റീലായിരുന്നു അതെന്നും ആരേയും ദ്രോഹിക്കാനോ പരിഹസിക്കാനോ ആയിരുന്നില്ലെന്നും യാഷ് പിന്നീട് പറഞ്ഞു. 47 ദിവസം തടവില് കഴിഞ്ഞ ശേഷം മേയ് 5ന് ആണ് യാഷിനെ ഇന്ത്യയിലേക്ക് നാടുകടത്തിയത്.
