കലിഫോർണിയ∙ കലിഫോർണിയയിലെ ലങ്കാസ്റ്ററിൽ ഒൻപതുവയസ്സുള്ള ഇരട്ടക്കുട്ടികളെ പിതാവ് തട്ടിക്കൊണ്ടുപോയതായി പരാതി. ജൂലൈ 23നാണ് സോളമൻ, മരോഷിന എന്നീ കുട്ടികളെ പിതാവായ ഡേവിഡ് സുക്കോണി (71) കൂട്ടിക്കൊണ്ടുപോയതെന്നാണ് പൊലീസ് പറയുന്നത്. ദിവസങ്ങൾ പിന്നിട്ടിട്ടും കുട്ടികളെ കണ്ടെത്താനായിട്ടില്ല.

 

തവിട്ടുനിറത്തിലുള്ള മുടിയും കണ്ണുകളുമുള്ള ഡേവിഡ് സുക്കോണിയെയും കുട്ടികളെയും ‘SOLOYST’ റജിസ്ട്രേഷൻ നമ്പറുള്ള 2011 മോഡൽ കറുത്ത ലിങ്കൺ ടൗൺ കാറിലാണ് അവസാനമായി കണ്ടത്. കുട്ടികളുടെ ജീവന് ഭീഷണിയുണ്ടാകാൻ സാധ്യതയുണ്ടെന്നും അവരുടെ സുരക്ഷയെക്കുറിച്ച് ആശങ്ക നിലനിൽക്കുന്നതായും പൊലീസ് അറിയിച്ചു.

 

സംഭവത്തെക്കുറിച്ച് വിവരമുള്ളവർ ലൊസാഞ്ചലസ് കൗണ്ടി ഷെരീഫ് ഡിപ്പാർട്ട്‌മെന്റുമായോ ക്രൈം സ്റ്റോപ്പേഴ്‌സുമായോ ബന്ധപ്പെടണമെന്ന് അധികൃതർ അഭ്യർഥിച്ചു.