മുംബൈ∙ ഗോരേഗാവിലെ പാർപ്പിടസമുച്ചയത്തിന്റെ ആറാം നിലയിൽനിന്ന് ഒന്നര വയസ്സുള്ള കുട്ടിയെ തള്ളിയിട്ടു കൊലപ്പെടുത്തിയ കേസിൽ അയൽവാസിയായ 10 വയസ്സുകാരിക്കെതിരെ കൊലക്കുറ്റത്തിനു കേസെടുത്തു. കുട്ടിയെ തള്ളിയിടുന്ന ദൃശ്യങ്ങള്‍ പൊലീസിനു ലഭിച്ചിട്ടുണ്ട്. കഴിഞ്ഞ 14 നായിരുന്നു സംഭവം. വളർത്തുപൂച്ചയെച്ചൊല്ലി ഇരുകുടുംബങ്ങളും തമ്മിലുണ്ടായിരുന്ന തർക്കമാണു കൊലപാതകത്തിലേക്കു നയിച്ചതെന്നു പൊലീസ് അറിയിച്ചു.

 

പെൺകുട്ടിക്ക് കൗൺസലിങ് നൽകാൻ ജുവനൈൽ ജസ്റ്റിസ് ബോർഡ് ഉത്തരവിട്ടു. തുടർന്നു കുട്ടിയെ മാതാപിതാക്കൾക്കൊപ്പം ബോർഡ് വിട്ടയച്ചു.