‘ഞാൻ അല്ല അവനെ വിളിച്ചു വരുത്തി കൊന്നത്’; അഭിരാം കൊലയിൽ പെൺകുട്ടിയുടെ ഇൻസ്റ്റഗ്രാം പോസ്റ്റും അന്വേഷിക്കും, കൂടുതൽ പേർക്ക് പങ്ക്?

Spread the love

തിരുവനന്തപുരം∙ പ്ലസ് വൺ വിദ്യാർഥി എ.ഡി.അഭിരാമിനെ കൊലപ്പെടുത്തി ചാക്കിൽക്കെട്ടി തള്ളിയ കേസിൽ കൂടുതൽ പേർക്ക് പങ്കുണ്ടോ എന്ന അന്വേഷണവുമായി പൊലീസ്. അഭിരാം കൊല്ലപ്പെട്ടതിനു പിന്നാലെ സുഹൃത്തായ ഒരു പെൺകുട്ടി ഇൻസ്റ്റഗ്രാമിൽ ഇട്ട ഒരു കുറിപ്പും കൊലപാതകത്തിനു തൊട്ടുതലേന്ന് അഭിരാമും മറ്റുചിലരുമായി ഉണ്ടായ വാക്കേറ്റത്തിന്റെ വിഡിയോയും കേന്ദ്രീകരിച്ചാണ് അന്വേഷണം നടക്കുന്നത്. അഭിരാമിന്റെ മൃതദേഹം കണ്ടെത്തിയതിനു പിന്നാലെയാണ് സുഹൃത്തായ പെൺകുട്ടി ഇൻസ്റ്റഗ്രാം പോസ്റ്റിട്ടത്. തനിക്ക് കേസിൽ പങ്കില്ലെന്നാണ് പോസ്റ്റിൽ പറഞ്ഞിരുന്നത്. ഇൻസ്റ്റഗ്രാം അക്കൗണ്ട് പിന്നീട് ഡിലീറ്റാക്കി.

 

പ്രതികളെ അറസ്റ്റ് ചെയ്യുന്നതിനു തൊട്ടു മുൻപാണ് പോസ്റ്റിട്ടത്. ‘ഞാൻ അല്ല അവനെ വിളിച്ചു വരുത്തി കൊന്നത്. എന്തിനാണ് അവനെ വിളിച്ചു വരുത്തിയതെന്ന് എല്ലാവരും എന്നോട് ചോദിക്കുന്നു. അവനെ കൊല്ലാനാണെങ്കിൽ അവനെ സ്‌നേഹിക്കേണ്ട കാര്യം ഇല്ലായിരുന്നല്ലോ. ഞാൻ ഒരു തെറ്റും ചെയ്തിട്ടില്ല’- എന്നാണു പോസ്റ്റിൽ പറഞ്ഞിരുന്നത്. എന്നാൽ മണിക്കൂറുകൾക്കുള്ളിൽ ഈ അക്കൗണ്ട് തന്നെ ഡിലീറ്റ് ചെയ്തു. ഇതു വീണ്ടെടുക്കാനുള്ള ശ്രമമാണു പൊലീസ് നടത്തുന്നത്. ഈ പെൺകുട്ടിയെ പൊലീസ് തിരിച്ചറിഞ്ഞിട്ടുണ്ട്. ഇവരിൽനിന്നു മൊഴി ശേഖരിക്കും. അഭിരാം കൊല്ലപ്പെടുന്നതിനു തൊട്ടുതലേന്നു മറ്റൊരു സംഘം അഭിരാമിനെ തടഞ്ഞുവയ്ക്കുന്നിന്റെയും തർക്കിക്കുന്നതിന്റെയും വിഡിയോയും പുറത്തുവന്നിട്ടുണ്ട്. കൂട്ടുകാരുടെ വാട്‌സാപ് ഗ്രൂപ്പുകളിൽ പ്രചരിച്ച വിഡിയോയാണ് പൊലീസിനു ലഭിച്ചത്. ഇതിലുള്ള കുട്ടികളെ കണ്ടെത്താനുള്ള ശ്രമവും പൊലീസ് നടത്തുന്നുണ്ട്.

 

അഭിരാമിന്റെ ഫോണിൽനിന്നു സംഭവദിവസം വിളിച്ചവരെയും പൊലീസ് വിളിപ്പിച്ചു മൊഴിയെടുക്കും. കൊലയാളികൾ യഥാർഥത്തിൽ കെണിയൊരുക്കിയതു അഭിരാമിന്റെ സൃഹൃത്തായ മറ്റൊരു പതിനേഴുകാരനു വേണ്ടിയായിരുന്നു. അഭിരാമിനെ കൊണ്ട് വിളിപ്പിച്ചെങ്കിലും സുഹൃത്ത് ആളൊഴിഞ്ഞ സ്ഥലത്തേക്കു വരാൻ കൂട്ടാക്കിയില്ല. ഈ സുഹൃത്തിൽനിന്നും പൊലീസ് വിവരങ്ങൾ ചോദിച്ചറിഞ്ഞു.

 

അഭിരാം വീട്ടിൽ നിന്നിറങ്ങുന്നതിന്റെ സിസിടിവി ദൃശ്യങ്ങളും പൊലീസിനു ശേഖരിച്ചിട്ടുണ്ട്. ഞായറാഴ്ച ഉച്ചകഴിഞ്ഞ് 2.46 നാണ് അഭിരാം വീട്ടിൽ നിന്ന് പുറത്തേക്ക് ഇറങ്ങിയത്. ഒറ്റയ്ക്ക് നടന്ന് പോകുന്ന അഭിരാമിന്റെ ദൃശ്യങ്ങളാണ് പുറത്തുവന്നത്. പെൺസുഹൃത്താണെന്ന് തെറ്റിദ്ധരിപ്പിച്ച് പ്രതികൾ വിളിച്ചതിനെ തുടർന്നാണ് അഭിരാം വീട്ടിൽ നിന്നിറങ്ങിയതെന്നാണ് പൊലീസിന്റെ കണ്ടെത്തൽ. ബസിൽ യാത്ര ചെയ്ത് ഉച്ചകഴിഞ്ഞ് 3നാണ് അഭിരാം സംഭവസ്ഥലത്തെത്തിയത്. ആളൊഴിഞ്ഞ സ്ഥലത്തേക്ക് അഭിരാമിനെ എത്തിച്ച് ആക്രമിച്ച് കൊലപ്പെടുത്തുകയായിരുന്നു. ഞായറാഴ്ച വൈകിട്ട് അഞ്ചിനും ആറിനുമിടയിലാണ് കൊലപാതകം നടന്നതെന്നാണ് അന്വേഷണസംഘം കരുതുന്നത്.

 

അഭിരാമിന്റെ കൊലപാതകത്തിൽ ഒന്നാം പ്രതിയായ പതിനേഴുകാരന്റെ പെൺസുഹൃത്തും പങ്കാളിയായിരുന്നുവെന്നും പൊലീസ് കരുതുന്നു. അഭിരാമിനെ ചാറ്റിലൂടെ പരിചയപ്പെട്ട് ആളൊഴിഞ്ഞ സ്ഥലത്തേക്ക് വിളിച്ചുവരുത്താമെന്ന ആശയം മുന്നോട്ടുവച്ചത് ഒന്നാം പ്രതിയായ 17-കാരനാണ്. പെൺസുഹൃത്തും ഈ നീക്കത്തെ പിന്തുണച്ചു. ശനിയാഴ്ച രാവിലെ പെൺസുഹൃത്തിന്റെ സാന്നിധ്യത്തിലാണ് അഭിരാമിനു ആദ്യ സന്ദേശം അയച്ചത്. പെൺകുട്ടിയെന്ന വ്യാജേന എങ്ങനെ ചാറ്റ് ചെയ്യണമെന്നതിനെക്കുറിച്ചുള്ള നിർദേശങ്ങളും പെൺസുഹൃത്ത് നൽകിയെന്നാണ് പൊലീസ് കണ്ടെത്തൽ. കേസിൽ 3 പേരെയാണു പൊലീസ് അറസ്റ്റു ചെയ്തത്. അഭിരാമിനെ കൊലപ്പെടുത്തിയ പതിനേഴുകാരനെയും പെൺസുഹൃത്തായ അനന്തയെയും (18) ഉമർ (21) എന്ന ഗുണ്ടയെയുമാണ് പൊലീസ് അറസ്റ്റു ചെയ്തത്. പതിനേഴുകാരൻ കേസിൽ ഒന്നാം പ്രതിയും ഉമർ രണ്ടാം പ്രതിയും അനന്ത മൂന്നാം പ്രതിയുമാണ്.

  • Related Posts

    സ്റ്റേ കമ്പിയില്‍ നിന്ന് ഷോക്കേറ്റ് വിദ്യാര്‍ഥിക്ക് ദാരുണാന്ത്യം; കെഎസ്ഇബിയുടെ അനാസ്ഥയെന്ന് നാട്ടുകാര്‍

    Spread the love

    Spread the loveമലപ്പുറം: സ്റ്റേ കമ്പിയില്‍ നിന്ന് ഷോക്കേറ്റ് വിദ്യാര്‍ഥിയ്ക്ക് ദാരുണാന്ത്യം. തിരൂരങ്ങാടി ചെറുമുക്ക് പടിഞ്ഞാറേത്തറ സ്വദേശി ഷിഹാബുദ്ദീന്റെ മകന്‍ ജുനൈദാണ് (13) മരിച്ചത്. മരണത്തിന് പിന്നില്‍ കെഎസ്ഇബിയുടെ അനാസ്ഥയാണെന്ന് നാട്ടുകാര്‍ ആരോപിച്ചു. സ്ഥലത്തെത്തിയ കെഎസ്ഇബി ഉദ്യോഗസ്ഥര്‍ക്ക് മുന്നില്‍ നാട്ടുകാര്‍ പ്രതിഷേധിച്ചു.…

    കരൾ പകുത്തുനൽകി ജീവൻ രക്ഷിക്കാൻ പുൽപ്പള്ളി സ്വദേശിയായ യുവാവ്; മാതൃകയായി 23-കാരൻ അഫ്സൽ  

    Spread the love

    Spread the loveപുൽപ്പള്ളി: ഗുരുതരമായ മഞ്ഞപ്പിത്ത ബാധയെ തുടർന്ന് കരൾ പൂർണ്ണമായി തകരാറിലായ 45-കാരന് സ്വന്തം കരളിന്റെ ഒരു ഭാഗം പകുത്തുനൽകി പുതുജീവിതമേകാൻ തയ്യാറെടുത്ത് പുൽപ്പള്ളി സ്വദേശിയായ അഫ്സൽ പി.എൻ (23). കേളക്കവല പുറ മഠത്തിൽ നാസർ – മൈമുന ദമ്പതികളുടെ…

    Leave a Reply

    Your email address will not be published. Required fields are marked *