ചെന്നൈ ∙ വിജയ് സർക്കാരിനെതിരെ വോട്ട് ചെയ്താൽ 30 കോടി നൽകാമെന്ന് അണ്ണാഡിഎംകെ ഭാരവാഹികൾ വാഗ്ദാനം ചെയ്തെന്നു ടിവികെ എംഎൽഎ മാധർ ബദുറുദ്ദീൻ (മുസ്തഫ) ആരോപിച്ചു. 15 കോടി രൂപ മുൻകൂറായി നൽകുമെന്നും അവിശ്വാസ പ്രമേയം അവതരിപ്പിച്ച ശേഷം ബാക്കി തുക നൽകാമെന്നുമായിരുന്നു വാഗ്ദാനം. അതേസമയം, ആരോപണം അടിസ്ഥാനരഹിതമാണെന്നു വ്യക്തമാക്കിയ അണ്ണാഡിഎംകെ നേതൃത്വം, എംഎൽഎക്കെതിരെ നിയമനടപടി സ്വീകരിക്കുമെന്നും അറിയിച്ചു.

 

സർക്കാരിനെ അട്ടിമറിക്കാൻ പ്രതിപക്ഷത്തെ പ്രമുഖ കക്ഷികളായ ഡിഎംകെയും അണ്ണാഡിഎംകെയും ശ്രമിക്കുന്നതിനു തെളിവാണു കോഴ വാഗ്ദാനമെന്നു മന്ത്രി ആർ.നിർമൽ കുമാർ ആരോപിച്ചു. സർക്കാരിന്റെ കഴിവുകേടും അഴിമതികളും മറച്ചുവയ്ക്കാനുള്ള ശ്രമമാണ് ആരോപണങ്ങൾക്കു പിന്നിലെന്നു മുൻ മന്ത്രിയും അണ്ണാഡിഎംകെ നേതാവുമായ ആർ.ബി.ഉദയകുമാർ പ്രതികരിച്ചു. ടിവികെ എംഎൽഎ എൻ.ഇളയരാജയും ഏതാനും മാസം മുൻപു സമാന ആരോപണം ഉന്നയിച്ചിരുന്നു.