36 ദിവസത്തിന് ശേഷം മോചനം! നെടുമ്പാശ്ശേരി മിനി കൂപ്പർ അപകടം; സുഹൈൽ സജീവ് ഇന്ന് ജയിൽ മോചിതനാകും

Spread the love

കൊച്ചി: നെടുമ്പാശ്ശേരിയിൽ മൂന്ന് പേരുടെ മരണത്തിനിടയാക്കിയ മിനി കൂപ്പർ അപകട കേസിലെ ഒന്നാം പ്രതി സുഹൈൽ സജീവ് 36 ദിവസത്തെ തടവിന് ശേഷം ഇന്ന് (നവംബർ 16) ബോസ്റ്റൽ സ്കൂളിൽ നിന്ന് മോചിതനാകും. കേസിലെ മറ്റ് മൂന്ന് പ്രതികൾക്ക് പത്ത് ദിവസം മുൻപ് ജാമ്യം ലഭിച്ചിരുന്നെങ്കിലും, സുഹൈലിന്റെ മോചനം പത്ത് ദിവസത്തേക്ക് കൂടി നീട്ടിവെക്കാൻ ഹൈക്കോടതി നിർദേശിക്കുകയായിരുന്നു. കീഴ്ക്കോടതികൾ ജാമ്യാപേക്ഷ തള്ളിയതിനെ തുടർന്നാണ് പ്രതികൾ ഹൈക്കോടതിയെ സമീപിച്ചത്.

 

ഒക്ടോബർ 11-ന് പുലർച്ചെ 1.45-ഓടെ നെടുമ്പാശ്ശേരി എയർപോർട്ട് റോഡിലാണ് നാടിനെ നടുക്കിയ അപകടം നടന്നത്. സുഹൈൽ മദ്യപിച്ച് ഓടിച്ച മിനി കൂപ്പർ സ്കൂട്ടറിൽ ഇടിച്ചാണ് വയനാട് മടക്കിമല സ്വദേശിനി ദേവിക സന്തോഷ്, പാലക്കാട് മണ്ണാർക്കാട് സ്വദേശി ഗോപിക, കർണാടക സുള്യ സ്വദേശി ഇയാസ് എന്നിവർ തൽക്ഷണം മരിച്ചത്.

 

കേസിൽ സുഹൈൽ സജീവിനെതിരെ നരഹത്യക്കുറ്റവും, കാറിലുണ്ടായിരുന്ന മറ്റ് മൂന്ന് പേർക്കെതിരെ പ്രേരണാക്കുറ്റവുമാണ് ചുമത്തിയിരിക്കുന്നത്. പ്രതികൾക്കെതിരെ കൂടുതൽ ഡിജിറ്റൽ തെളിവുകൾ ശേഖരിക്കുന്ന അന്വേഷണസംഘം, ഈ മാസം അവസാനത്തോടെ കോടതിയിൽ കുറ്റപത്രം സമർപ്പിക്കാനുള്ള തീവ്രശ്രമത്തിലാണ്.

  • Related Posts

    തീവ്ര ന്യൂനമര്‍ദ്ദം ഇന്ന് ചുഴലിക്കാറ്റായി മാറും; സംസ്ഥാനത്ത് വ്യാഴാഴ്ച വരെ മഴ

    Spread the love

    Spread the loveതിരുവനന്തപുരം: തെക്കുകിഴക്കന്‍ ബംഗാള്‍ ഉള്‍ക്കടലില്‍ സ്ഥിതി ചെയ്യുന്ന തീവ്ര ന്യൂനമര്‍ദ്ദം ഇന്ന് ( തിങ്കളാഴ്ച) ചുഴലിക്കാറ്റായി ശക്തിപ്രാപിക്കാന്‍ സാധ്യത. ഇതിന്റെ സ്വാധീനഫലമായി സംസ്ഥാനത്ത് വ്യാഴാഴ്ച വരെ ഒറ്റപ്പെട്ട സ്ഥലങ്ങളില്‍ നേരിയ/ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.…

    ആക്രി എടുക്കാൻ എത്തി ബൈക്കിന്റെ എൻജിൻ പാർട്സുകളും മോഷ്ടിച്ചു; അസം സ്വദേശികൾ അറസ്റ്റിൽ

    Spread the love

    Spread the loveപറവൂർ ∙ ബൈക്കിന്റെ എൻജിൻ പാർട്സുകൾ മോഷ്ടിച്ച സംഭവത്തിൽ രണ്ടു പേർ അറസ്റ്റിൽ. അസം സ്വദേശികളായ സെയ്ഫുൾ ഇസ്‌ലാം (53), അനാർ ഹുസൈൻ (37) എന്നിവരെയാണ് നോർത്ത് പറവൂർ പൊലീസ് അറസ്റ്റ് ചെയ്തത്. വള്ളുവള്ളി ഭാഗത്തുള്ള ടൂ വീലർ…

    Leave a Reply

    Your email address will not be published. Required fields are marked *