തിരുവനന്തപുരം ∙ പിണറായി വിജയൻ മുഖ്യമന്ത്രിയായിരിക്കെ, അദ്ദേഹത്തെ പുകഴ്ത്തി പാട്ടെഴുതിയ ഇടത് അനുകൂല സർവീസ് സംഘടനാ നേതാവിന്റെ സെക്രട്ടേറിയറ്റിലെ സേവനം യുഡിഎഫ് സർക്കാർ അവസാനിപ്പിച്ചു. സെക്രട്ടേറിയറ്റ് എംപ്ലോയീസ് അസോസിയേഷൻ നേതാവായിരുന്ന പൂവത്തൂർ ചിത്രസേനന്റെ സേവനമാണ് അവസാനിപ്പിച്ചത്.

 

സെക്രട്ടേറിയറ്റിലെ പൊതുഭരണ വകുപ്പിൽനിന്നു വിരമിച്ച ശേഷം ധനകാര്യ വകുപ്പിൽ സ്പെഷൽ മെസഞ്ചർ ആയി തുടരുകയായിരുന്നു. സ്തുതിഗാനത്തെ തുടർന്നാണു ചിത്രസേനന് സ്പെഷൽ മെസഞ്ചർ നിയമനം ലഭിച്ചതെന്ന് ആരോപണമുയർന്നിരുന്നു. സെക്രട്ടേറിയറ്റ് എംപ്ലോയീസ് അസോസിയേഷന്റെ സുവർണ ജൂബിലിയുടെ ഭാഗമായാണ് ചിത്രസേനൻ ‘ഇരുളടഞ്ഞ പാതയിൽ ജ്വലിച്ച സൂര്യനായി’ എന്നു തുടങ്ങുന്ന ഗാനമെഴുതിയത്. പിണറായി വിജയനെ വേദിയിലിരുത്തി അസോസിയേഷൻ ഭാരവാഹികൾ ഈ ഗാനം ആലപിക്കുകയായിരുന്നു.