മേപ്പാടി: മേപ്പാടി വിംസ് (WIMS) ആശുപത്രിക്ക് സമീപം കാറും ആംബുലൻസും കൂട്ടിയിടിച്ച് അപകടം.തുടർന്ന് ആംബുലൻസ് മറിഞ്ഞ്  രോഗി മരിച്ചു.ഗുരുതരാവസ്ഥയിൽ വിദഗ്ധ ചികിത്സയ്ക്ക് കൊണ്ടു വരുകയായിരുന്ന ബത്തേരി പഴുപ്പത്തൂർ സ്വദേശി ചപ്പകൊല്ലി ഗോപാലൻ (71)ആണ് മരിച്ചത്.

സംഭവം നടന്ന ഉടൻ തന്നെ പരിക്കേറ്റ രോഗിയെ അടിയന്തര ചികിത്സയ്ക്കായി ആശുപത്രിയിലേക്ക് മാറ്റി എങ്കിലും മരണം സംഭവിക്കുകയായിരുന്നു.   അപകടത്തിൽ ആംബുലൻസിന്റെ സൈഡിലും കാറിന്റെ മുൻഭാഗത്തും കാര്യമായ കേടുപാടുകൾ സംഭവിച്ചിട്ടുണ്ട്. വൈത്തിരി ഗവണ്മെന്റ് ഹോസ്പിറ്റലിൽ നിന്നും രോഗിയുമായി എത്തിയ ആംബുലൻസ് ആണ് അപകടത്തിൽ പെട്ടത്.

ഗോപാലന്റെ ഭാര്യ മാധവി, ആംബുലൻസ് ഡ്രൈവർ ഷമീർ എന്നവർക്ക് പരിക്കേറ്റു.