spotnewswebsite@gmail.com
സുൽത്താൻ ബത്തേരി: പൊൻകുഴിയിൽ ആദിവാസി വിദ്യാർത്ഥി മനു അപകടത്തിൽപ്പെട്ട് മരണപ്പെട്ട സംഭവത്തിൽ സർക്കാർ സംവിധാനങ്ങളുടെ ഭാഗത്തുനിന്നുണ്ടായ വീഴ്ചകൾ അന്വേഷിക്കണമെന്നാവശ്യപ്പെട്ട് യങ് ഡെമോക്രാറ്റ്സ് വയനാട് ജില്ലാ കൺവീനർ കെ. എസ്. മുഹമ്മദ് സകരിയ്യ
ജില്ലാ പോലീസ് മേധാവി, സംസ്ഥാന ബാലാവകാശ കമ്മീഷൻ, കേന്ദ്ര–സംസ്ഥാന മനുഷ്യാവകാശ കമ്മീഷനുകൾ എന്നിവർക്ക് പരാതി നൽകി.
അപകടത്തിൽ ഗുരുതരമായി പരിക്കേറ്റ കുട്ടിക്ക് അടിയന്തരമായി ചികിത്സ ലഭ്യമാക്കുന്നതിൽ ഉണ്ടായ കാലതാമസം ഉൾപ്പെടെയുള്ള സാഹചര്യങ്ങൾ വിശദമായി അന്വേഷിക്കണമെന്ന് പരാതിയിൽ ആവശ്യപ്പെട്ടു. സംഭവവുമായി ബന്ധപ്പെട്ട് സർക്കാർ സംവിധാനങ്ങളുടെ ഭാഗത്തുനിന്ന് വീഴ്ചയോ അനാസ്ഥയോ ഉണ്ടായിട്ടുണ്ടെങ്കിൽ അത് കണ്ടെത്തുകയും ഉത്തരവാദികളായവർക്കെതിരെ നിയമാനുസൃത നടപടി സ്വീകരിക്കുകയും വേണമെന്നും പരാതിയിൽ ആവശ്യപ്പെട്ടു.
കുട്ടിയുടെ മരണത്തിലേക്ക് നയിച്ച മുഴുവൻ സാഹചര്യങ്ങളും പരിശോധിച്ച് വസ്തുതകൾ പുറത്തുകൊണ്ടുവരുന്നതിനും ഇത്തരം സംഭവങ്ങൾ ആവർത്തിക്കാതിരിക്കുന്നതിനും അടിയന്തര നടപടി സ്വീകരിക്കണമെന്നും പരാതിയിൽ ആവശ്യപ്പെട്ടു.
