കോതമംഗലം∙ മുക്കുപണ്ടം പണയം വച്ച് പണം തട്ടിയ കേസിൽ ഒരാൾ അറസ്റ്റിൽ. കോട്ടപ്പടി ഐരൂർ വാവേലി ഭാഗത്ത് ചിരട്ടക്കൽ വീട്ടിൽ മിനിമോൾ (48) ആണ് അറസ്റ്റിലായത്. കോതമംഗലത്തുള്ള സ്വകാര്യ ധനകാര്യ സ്ഥാപനത്തിൽ 31 തവണകളായി 409.45 ഗ്രാം മൂക്കുപണ്ടം പണയം വച്ച് 41 ലക്ഷം രൂപ തട്ടിയെടുത്തെന്നാണ് കേസ്. 2026 ജനുവരി മുതൽ സെപ്റ്റംബർ 22 വരെയുള്ള ദിവസങ്ങളിലാണ് മുക്കുപണ്ടം പണയം വച്ചിട്ടുള്ളത്. എസ്ഐ കെ.എച്ച്.ഹാഷിം, എഎസ്ഐമാരായ സിജോ, ഹാജിറ, സീനിയർ സിപിഒമാരായ ഫൈസൽ, ഷഫീഖ്, അഭിലാഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.