ഫ്ലോറിഡ∙ എവർഗ്ലേഡ്സ് തണ്ണീർത്തടങ്ങളിൽ ഭീഷണി ഉയർത്തുന്ന അധിനിവേശ ബർമീസ് പെരുമ്പാമ്പുകളെ പിടികൂടാനുള്ള വാർഷിക മത്സരത്തിൽ ടോം റാഹിൽ ഒന്നാം സ്ഥാനം നേടി. 96 പാമ്പുകളെയാണ് അദ്ദേഹം പിടികൂടിയത്. ടോം റാഹിലിന് 10,000 ഡോളർ (എട്ട് ലക്ഷം രൂപ) സമ്മാനവും ലഭിച്ചു.

 

ഫ്ലോറിഡയിലെ തദ്ദേശീയരായ വന്യജീവികളെ സംരക്ഷിക്കാനും അധിനിവേശ ജീവികളുടെ എണ്ണം നിയന്ത്രിക്കാനുമാണ് എല്ലാ വർഷവും ഈ വേട്ട സംഘടിപ്പിക്കുന്നത്. ഈ പാമ്പുകൾ പ്രദേശത്തെ ആവാസവ്യവസ്ഥയ്ക്കും മറ്റ് മൃഗങ്ങൾക്കും വലിയ ഭീഷണിയാണ് ഉയർത്തുന്നത്.