ഭാരവാഹനങ്ങള്‍ വലതുവശത്തു കൂടി പോകണം, അമിത ഭാരത്തിന് പിടിവീഴും; റോഡ് നിയമങ്ങള്‍ കര്‍ശനമാക്കാന്‍ യുഎഇ

Spread the love

അബുദാബി: ജനുവരി മുതല്‍ ഭാരവാഹനങ്ങള്‍ക്കുള്ള നിയമങ്ങള്‍ കര്‍ശനമാക്കാന്‍ യുഎഇ. 2027 ജനുവരിയില്‍ പ്രാബല്യത്തില്‍ വരുന്ന യുഎഇ ഫെഡറല്‍ ട്രാഫിക് നിയമ പ്രകാരം ഭാരവാഹനങ്ങള്‍ ഓടിക്കുന്ന ഡ്രൈവര്‍മാര്‍ക്കുള്ള നിബന്ധനകള്‍ കര്‍ശനമാക്കിയിട്ടുണ്ട്. റോഡ് സുരക്ഷ മെച്ചപ്പെടുത്തുന്നതിനായി ആറ് പ്രധാന നിബന്ധനകളാണ് ഇതില്‍ ഉള്‍പ്പെടുത്തിയിരിക്കുന്നത്.

 

ഭാരവാഹന ഡ്രൈവര്‍മാര്‍ റോഡിന്റെ വലതുവശത്ത് തന്നെ വാഹനം ഓടിക്കണം. ഓവര്‍ടേക്കിങ്ങിനോ, അനിവാര്യമായ സാഹചര്യങ്ങളിലോ മാത്രമേ വശം മാറാന്‍ പാടുള്ളുവെന്ന് കര്‍ശന നിബന്ധനയുണ്ട്. ലൈസന്‍സിങ് അതോറിറ്റി അനുവദിച്ചിട്ടുള്ള ഭാരപരിധിയോ ഉയരപരിധിയോ വാഹനങ്ങള്‍ ലംഘിക്കുന്നില്ലെന്ന് ഡ്രൈവര്‍മാര്‍ ഉറപ്പാക്കണം.

 

വാഹന ഉടമയുടെ ജീവനക്കാര്‍ക്കും, സാധനങ്ങള്‍ കയറ്റുന്നതിനും ഇറക്കുന്നതിനും നിയോഗിക്കപ്പെട്ട തൊഴിലാളികള്‍ക്കും (ഇവര്‍ക്കായി പ്രത്യേകം ഇരിപ്പിടങ്ങള്‍ സജ്ജീകരിച്ചിട്ടുണ്ടെങ്കില്‍ മാത്രം) അല്ലാതെ, മറ്റാരെയും ഭാരവാഹനങ്ങളില്‍ കൊണ്ടുപോകാന്‍ പാടില്ല. വാഹനത്തിലെ ഭാരം പൊതുജനങ്ങള്‍ക്ക് അപകടമുണ്ടാക്കുന്നില്ലെന്നും ഗതാഗതത്തിന് തടസ്സമാകുന്നില്ലെന്നും ഡ്രൈവര്‍മാര്‍ ഉറപ്പാക്കണം. പൊടിപടലങ്ങളോ മണല്‍ പോലുള്ള വസ്തുക്കളോ പുറത്തേക്ക് വീഴുകയോ ചിതറുകയോ ചെയ്യാതിരിക്കാന്‍ ലോഡ് കൃത്യമായി മൂടിയിരിക്കണം. കൂടാതെ, വാഹനത്തിന്റെ അതിരുകള്‍ക്ക് പുറത്തേക്ക് ചരക്കുകള്‍ തള്ളിനില്‍ക്കാനും പാടില്ല.

 

ഭാരവാഹനങ്ങള്‍ വരുത്തുന്ന 11 തരം ട്രാഫിക് നിയമലംഘനങ്ങളെയും അവയ്ക്കുള്ള പിഴകളെയും കുറിച്ച് ആഭ്യന്തര മന്ത്രാലയം വ്യക്തമാക്കിയിട്ടുണ്ട്. പിഴകള്‍, ട്രാഫിക് പോയിന്റുകള്‍, വാഹനം കണ്ടുകെട്ടല്‍, ഒരു വര്‍ഷത്തേക്ക് ഡ്രൈവിങ് ലൈസന്‍സ് സസ്‌പെന്‍ഡ് ചെയ്യല്‍ എന്നിങ്ങനെ വിവിധ ശിക്ഷകളാണ് ഇതില്‍ ഉള്‍പ്പെടുന്നത്. അപകടങ്ങളുണ്ടാക്കുന്ന തരത്തില്‍ വാഹനം ഓടിക്കുക, നിരോധിത മേഖലയില്‍ വെച്ച് ട്രക്ക് ഡ്രൈവര്‍ മറ്റൊരു വാഹനത്തെ മറികടക്കുമ്പോഴും കഠിനമായ ശിക്ഷയാണ് ലഭിക്കുക. 3,000 ദിര്‍ഹം പിഴയും, ഒരു വര്‍ഷത്തേക്ക് ഡ്രൈവിങ് ലൈസന്‍സ് സസ്‌പെന്‍ഡ് ചെയ്യലുമാണ് ശിക്ഷ. ഭാരവാഹനത്തില്‍ നിന്ന് വസ്തുക്കള്‍ പുറത്തേക്ക് വീഴുകയോ ചോര്‍ന്നുപോകുകയോ ചെയ്താല്‍ 3,000 ദിര്‍ഹം പിഴയും 12 ട്രാഫിക് പോയിന്റുകളും ചുമത്തും. ട്രക്കിലെ ലോഡ് മൂടിയിട്ടില്ലെങ്കില്‍, ട്രാഫിക് പോയിന്റുകള്‍ക്ക് പുറമെ 3,000 ദിര്‍ഹം പിഴയും ചുമത്തപ്പെടും.

  • Related Posts

    ലോകത്ത് ആദ്യമായി ഇലക്ട്രിക് യാത്രാവിമാനം പറന്നുയര്‍ന്നു

    Spread the love

    Spread the loveബെയ്ജിങ്: വ്യോമയാന രംഗത്ത് പുതിയ ചുവടുവെയ്പുമായി ചൈന. 19 സീറ്റുകളുള്ള ഇലക്ട്രിക് യാത്രാവിമാനത്തിന്റെ പരീക്ഷണപ്പറക്കല്‍ ചൈന വിജയകരമായി പൂര്‍ത്തിയാക്കി. വാണിജ്യ വ്യോമയാനരംഗത്ത് ബാറ്ററി ഉപയോഗിച്ച് പ്രവര്‍ത്തിക്കുന്ന വിമാനങ്ങള്‍ കൊണ്ടുവരുന്നതിനുള്ള ചൈനയുടെ സുപ്രധാന ചുവടുവെയ്പ് ആയാണ് ഇതിനെ കാണുന്നത്.  …

    പുത്തൻ തന്ത്രം; ‘ഇങ്ങനെ ബാങ്ക് അക്കൗണ്ട്’ തുറക്കുന്ന പ്രവാസികളെ കാത്തിരിക്കുന്നത്, അഞ്ച് അപകടസൂചനങ്ങൾ പുറത്തുവിട്ട് യുഎഇ

    Spread the love

    Spread the loveഅബുദാബി ∙ ജോലി വാഗ്ദാനം ചെയ്ത് ബാങ്ക് അക്കൗണ്ട് തുറപ്പിക്കാനും സാമ്പത്തിക വിവരങ്ങൾ കൈക്കലാക്കാനും പണം തട്ടിയെടുക്കാനും ശ്രമിക്കുന്ന വ്യാജ റിക്രൂട്ടർമാർക്കെതിരെ ജാഗ്രത പാലിക്കണമെന്ന് മാനവശേഷി സ്വദേശിവൽക്കരണ മന്ത്രാലയം. ഇത്തരം തട്ടിപ്പുകൾ തിരിച്ചറിയാൻ അഞ്ച് മുന്നറിയിപ്പു സൂചനകളും മന്ത്രാലയം…

    Leave a Reply

    Your email address will not be published. Required fields are marked *