നെടുമ്പാശ്ശേരി മിനികൂപ്പർ അപകടം; ഒന്നാംപ്രതി സുഹൈൽ സജീവ് ജാമ്യത്തിലിറങ്ങി!

Spread the love

കൊച്ചി: നെടുമ്പാശ്ശേരി എയർപോർട്ട് റോഡിലുണ്ടായ മിനികൂപ്പർ അപകടക്കേസിലെ ഒന്നാംപ്രതി സുഹൈൽ സജീവ് ജാമ്യത്തിലിറങ്ങി. ഹൈക്കോടതി ഉത്തരവിനെത്തുടർന്ന് കാക്കനാട് ജില്ലാ ജയിലിനോട് ചേർന്നുള്ള ബോർസ്റ്റൽ സ്കൂളിൽനിന്നാണ് സുഹൈൽ പുറത്തിറങ്ങിയത്.

 

കേസിൽ സുഹൈലിനൊപ്പം അറസ്റ്റിലായ മറ്റ് പ്രതികളായ ജോയൽ എസ്. ആന്റോ, നിനവ്, അമീൻ ഷാ എന്നിവർക്ക് നേരത്തെ തന്നെ ജാമ്യം ലഭിച്ചിരുന്നു. എന്നാൽ, ഒന്നാംപ്രതിയായ സുഹൈൽ സജീവിനെ പത്ത് ദിവസങ്ങൾക്ക് ശേഷം മാത്രമേ മോചിപ്പിക്കാവൂ എന്ന് കോടതി കർശന വ്യവസ്ഥ വെച്ചിരുന്നു. ഈ കാലാവധി പൂർത്തിയായതോടെയാണ് നവംബർ 16-ന് സുഹൈൽ ജാമ്യത്തിലിറങ്ങിയത്.

 

ഒക്ടോബർ 11-നായിരുന്നു നാടിനെ നടുക്കിയ ഈ ദാരുണമായ അപകടം നടന്നത്. നെടുമ്പാശ്ശേരി എയർപോർട്ട് റോഡിൽവെച്ച് സുഹൈൽ ഓടിച്ചിരുന്ന അമിതവേഗത്തിലുള്ള ആഡംബര കാർ സ്കൂട്ടറിൽ ഇടിക്കുകയായിരുന്നു. അപകടത്തിൽ സ്കൂട്ടർ യാത്രക്കാരായ ഇയാസ്, ദേവിക, ഗോപിക എന്നിവർക്ക് ജീവൻ നഷ്ടമായിരുന്നു. അപകടദിവസം സുഹൈൽ വിവിധ ബാറുകളിൽ കയറി മദ്യപിച്ചിരുന്നുവെന്നും, അപകടസമയത്ത് മദ്യലഹരിയിലായിരുന്നുവെന്നും എക്സൈസും അന്വേഷണസംഘവും കണ്ടെത്തിയിരുന്നു. നേരത്തെ മജിസ്ട്രേറ്റ് കോടതിയും സെഷൻസ് കോടതിയും ജാമ്യാപേക്ഷ തള്ളിയതിനെത്തുടർന്നാണ് പ്രതികൾ ഹൈക്കോടതിയെ സമീപിച്ചത്.

  • Related Posts

    മെസ്സി തട്ടിപ്പ് കേസ്; റിപ്പോർട്ടർ ചാനലിന് ഹൈക്കോടതിയിൽ നിന്നും തിരിച്ചടി

    Spread the love

    Spread the loveകൊച്ചി: മെസ്സി തട്ടിപ്പുമായി ബന്ധപ്പെട്ട ജിഎസ്ടി അന്വേഷണത്തിൽ സ്പോൺസറായ റിപ്പോർട്ടർ ബ്രോഡ്കാസ്റ്റിംഗ് കമ്പനിക്ക് തിരിച്ചടി. സമൻസിൽ ഇടപെടാൻ ഹൈക്കോടതി വിസമ്മതിച്ചതിനെ തുടർന്ന് കമ്പനി വ്യാഴാഴ്ച (നവംബർ 16) കൊല്ലം ജിഎസ്ടി ഇന്റലിജൻസ് യൂണിറ്റിന് മുന്നിൽ ഹാജരാകണം. സമൻസ് ചോദ്യം…

    ലക്ഷങ്ങളുടെ അടക്ക മോഷണം; ഗേറ്റ് ചാടിക്കടന്ന് കവര്‍ച്ച നടത്തിയ അഞ്ചംഗ സംഘം പിടിയില്‍

    Spread the love

    Spread the loveമലപ്പുറം: രാത്രിയുടെ മറവില്‍ മാര്‍ക്കറ്റിന്റെ ഗേറ്റ് ചാടിക്കടന്ന് ലക്ഷങ്ങള്‍ വിലവരുന്ന അടക്ക മോഷ്ടിച്ച അഞ്ചംഗ സംഘം പൊലീസിന്റെ പിടിയിലായി. കുഴിമണ്ണ കിഴിശേരി തവനൂര്‍ റോഡിലെ ചെങ്ങിണീരി അടക്ക മാര്‍ക്കറ്റില്‍ നിന്നാണ് 3.64 ലക്ഷം രൂപയോളം വിലവരുന്ന 16 ചാക്ക്…

    Leave a Reply

    Your email address will not be published. Required fields are marked *