പത്തനംതിട്ട∙ ഓമല്ലൂരിന് സമീപം പുത്തൻപീടികയിൽ നിയന്ത്രണംവിട്ട കെഎസ്ആർടിസി ബസ് കടയിലേക്ക് ഇടിച്ചു കയറി ഒരാൾക്ക് പരുക്കേറ്റു. കടയിൽനിന്ന് ശീതള പാനീയം കുടിച്ചുകൊണ്ടിരുന്ന അജയ ചന്ദ്രൻ എന്നയാൾക്കാണ് പരുക്കേറ്റത്. ഇദ്ദേഹത്തിന്റെ പരുക്ക് ഗുരുതരമല്ല.

 

പിക്കപ്പ് വാനിൽ ഇടിച്ച ശേഷമാണ് ബസ് കടയിലേക്ക് ഇടിച്ചു കയറിയത്. പത്തനംതിട്ടയിൽനിന്ന് കൊല്ലത്തേക്ക് പോകുകയായിരുന്നു ബസ്. ബസ് വേഗത്തിലായിരുന്നു നാട്ടുകാർ ആരോപിച്ചു. അതേസമയം, ബസിലെ യാത്രക്കാർ പരുക്കേൽക്കാതെ രക്ഷപ്പെട്ടു.