മലപ്പുറം ∙ മുണ്ടേരി നീര്‍പ്പുഴയ്ക്ക് സമീപം യുവതിയെ കൊല്ലപ്പെട്ട നിലയിൽ കണ്ടെത്തി. അപ്പൻകാപ്പ് നഗറിൽ നിഷ (37) ആണ് മരിച്ചത്. മൃതദേഹത്തിന് നാലു ദിവസത്തെ പഴക്കം കണക്കാക്കുന്നു. സംഭവത്തിൽ അപ്പൻകാപ്പ് നഗറിലെ സുരേഷിനെ (43) പൊലീസ് അറസ്റ്റ് ചെയ്തു. നിഷ കുറച്ചുനാളുകളായി സുരേഷിന്റെ കൂടെ മുണ്ടേരി ഏട്ടപ്പാറ നഗറിലാണ് താമസിച്ചിരുന്നത്.

 

നിഷയുടെ മൃതദേഹം നഗറിൽ നിന്ന് ഒരു കിലോമീറ്ററോളം അകലെ നൂൽപ്പുഴയുടെ ചെമ്പാലിയിലാണ് കണ്ടെത്തിയത്. സുരേഷ് നേരത്തെയും കൊലപാതക കേസിലെ പ്രതിയാണ്. രണ്ടാം ഭാര്യ മലച്ചി നഗറിലെ രമണിയെ കൊലപ്പെടുത്തിയ കേസാണ് ഇത്.