തിരുവനന്തപുരം: കന്യാകുളങ്ങരയിൽ മദ്രസയിൽ പഠിക്കാനെത്തിയ പത്തുവയസുകാരിക്കുനേരേ ലൈംഗികാതിക്രമം നടത്തിയ മദ്രസ അധ്യാപകൻ അറസ്റ്റിൽ. കന്യാകുളങ്ങര സ്വദേശി നജീമിനെയാണ് (52) വട്ടപ്പാറ പോലീസ് അറസ്റ്റ് ചെയ്തത്.

 

നജീം നിരന്തരമായി ലൈംഗിക അതിക്രമം നടത്തിയിരുന്നതായി കുട്ടി മൊഴി നൽകിയിട്ടുണ്ട്. ലൈംഗിക അതിക്രമം ഭയന്ന് മദ്രസയിൽ പോകാൻ മടിച്ച കുട്ടിയെ വീട്ടുകാർ നിർബന്ധിച്ച് അയക്കുകയായിരുന്നു. കഴിഞ്ഞദിവസം മദ്രസയിൽനിന്ന് കുട്ടി കരഞ്ഞുകൊണ്ട് വീട്ടിലേക്ക് വരികയും തുടർന്ന് രക്ഷിതാക്കൾ വട്ടപ്പാറ പോലീസിൽ വിവരമറിയിക്കുകയായിരുന്നു.

 

വട്ടപ്പാറ പോലീസ് നടത്തിയ അന്വേഷണത്തിലാണ് കുട്ടി ലൈംഗിക അതിക്രമത്തിന് ഇരയായിട്ടുണ്ടെന്നുള്ള വിവരം മനസ്സിലാക്കുന്നത്. തുടർന്ന് പ്രതിയെ കസ്റ്റഡിയിൽ എടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.