spotnewswebsite@gmail.com
ഈങ്ങാപ്പുഴ: കനത്ത മഴയെ തുടർന്ന് ഈങ്ങാപ്പുഴയിൽ റോഡിൽ രൂപപ്പെട്ട വെള്ളക്കെട്ട് ഒഴിഞ്ഞതോടെ മേഖലയിൽ വാഹനഗതാഗതം പുനഃസ്ഥാപിച്ചു.
റോഡിൽ കെട്ടിക്കിടന്ന വെള്ളം താഴ്ന്നതോടെ ടാങ്കർ ലോറികളും സപ്ലൈ വാഹനങ്ങളും ഇരുചക്രവാഹനങ്ങളുമടക്കം തടസ്സമില്ലാതെ കടന്നുപോകാൻ തുടങ്ങിയിട്ടുണ്ട്. മഴയ്ക്ക് നേരിയ ശമനം വന്നതോടെയാണ് റോഡിലെ വെള്ളക്കെട്ടിന് ആശ്വാസമുണ്ടായത്. പ്രദേശത്ത് നിലവിൽ വാഹനഗതാഗതം സാധാരണ നിലയിലായിട്ടുണ്ടെങ്കിലും, വരും മണിക്കൂറുകളിൽ മഴ തുടരാൻ സാധ്യതയുള്ളതിനാൽ പ്രദേശവാസികളും ഡ്രൈവർമാരും ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
