മലപ്പുറം: താനൂരില്‍ നിന്നും കാണാതായ ഇംതിയാസ് എന്ന യുവാവിനെ കണ്ടെത്തി. മഹാരാഷ്ട്രയിലെ നാഗ്പൂരില്‍ നിന്നും 16 കിലോമീറ്റര്‍ അകലെയുള്ള ഒരു അപ്പാര്‍ട്ട്‌മെന്റില്‍ നിന്നാണ് ഇംതിയാസിനെ കണ്ടെത്തിയത്.

 

താനൂര്‍ പൊലീസാണ് ഇംതിയാസിനെ തിരഞ്ഞ് മഹാരാഷ്ട്രയിലേക്ക് പോയത്. മാനസിക വിഷമം മൂലമാണ് നാടു വിട്ടതെന്നാണ് ഇംതിയാസ് പൊലീസിനോട് പറഞ്ഞത്. കഴിഞ്ഞ വെള്ളിയാഴ്ചയാണ് ഇംതിയാസിനെ കാണാതായത്.

 

ബംഗളൂരുവിലാണ് ഇംതിയാസ് നഴ്‌സിങ് പഠനം പൂര്‍ത്തിയാക്കിയത്. ഇതിന്റെ സര്‍ട്ടിഫിക്കറ്റ് വാങ്ങാനായിട്ടാണ് ഇംതിയാസ് ബംഗളൂരുവിലെത്തിയത്. ബംഗളൂരുവില്‍ എത്തിയശേഷം വീട്ടുകാരെ ബന്ധപ്പെട്ടിരുന്നു. പിന്നീട് യാതൊരു വിവരവും ഇല്ലാത്തതിനെത്തുടര്‍ന്ന് വീട്ടുകാര്‍ പൊലീസില്‍ പരാതി നല്‍കുകയായിരുന്നു.