spotnewswebsite@gmail.com
തിരുവനന്തപുരം ∙ തമിഴ്നാട്ടിലെ കന്യാകുമാരി ജില്ലയിലെ തക്കല സര്ക്കാര് ഹയര് സെക്കന്ഡറി സ്കൂളിന്റെ വരാന്തയില് വിദ്യാര്ഥിനികള് പരസ്യമായി മദ്യപിക്കുന്നതിന്റെ വിഡിയോ വിവാദമായതോടെ പ്രിന്സിപ്പലിനെ സ്ഥലം മാറ്റി. രണ്ടു വിദ്യാര്ഥിനികള് സ്കൂള് വരാന്തയില് ഭക്ഷണം കഴിക്കുകയും ഒപ്പം മദ്യപിക്കുകയും ചെയ്യുന്നതിന്റെ വിഡിയോയാണ് സഹപാഠികള് പകര്ത്തിയത്. സംഭവം വിവാദമായതോടെ കന്യാകുമാരി ജില്ലാ ഭരണകൂടം അന്വേഷണത്തിന് ഉത്തരവിടുകയും സ്കൂള് പ്രിന്സിപ്പല് പ്രമീള ഇവാഞ്ചലിനെ നാഗര്കോവിലിലെ വടശേരി ഗവണ്മെന്റ് ഹയര് സെക്കന്ഡറി സ്കൂളിലേക്ക് സ്ഥലം മാറ്റുകയും ചെയ്തു.
ഓഗസ്റ്റ് 1ന് മത്സരപരീക്ഷകള്ക്കായുള്ള പ്രത്യേക പരിശീലന ക്ലാസുകള്ക്ക് ശേഷമാണ് സംഭവം. മദ്യക്കുപ്പികളും ഭക്ഷണപായ്ക്കറ്റുകളും ദൃശങ്ങളില് കാണാം. മദ്യപാനത്തെക്കുറിച്ചാണ് ഇവര് സംസാരിക്കുന്നത്. മദ്യം എങ്ങനെ ക്യാംപസിനുള്ളിലെത്തി, പരിശീലന സമയത്ത് കൃത്യമായ മേല്നോട്ടം ഉണ്ടായിരുന്നോ തുടങ്ങിയ കാര്യങ്ങളില് അന്വേഷണം നടക്കുകയാണ്. റിപ്പോര്ട്ട് ലഭിച്ച ശേഷം കുറ്റക്കാര്ക്കെതിരെ കൂടുതല് കര്ശന നടപടികള് സ്വീകരിക്കുമെന്ന് അധികൃതര് അറിയിച്ചു.
