‘ഞങ്ങളുടെ ഹൃദയങ്ങള്‍ ഏറ്റവും സന്തോഷിച്ച നിമിഷം’; സാമന്തയ്ക്കും രാജിനും കുഞ്ഞ് പിറന്നു; പേര് വെളിപ്പെടുത്തി താരം

Spread the love

നടി സാമന്തയ്ക്കും സംവിധായകന്‍ രാജ് നിധിമൊരുവിനും കുഞ്ഞ് പിറന്നു. ഇന്‍സ്റ്റഗ്രാം പോസ്റ്റിലൂടെയാണ് താരങ്ങള്‍ സന്തോഷവാര്‍ത്ത പങ്കുവച്ചത്. നവംബര്‍ 19 നാണ് കുഞ്ഞ് ജനിച്ചത്. അമ്മയുടെ വിരല്‍ പിടിച്ചു കിടക്കുന്ന കുഞ്ഞ് വിരലിന്റെ ചിത്രം പങ്കുവച്ചു കൊണ്ടാണ് ഇരുവരും വാര്‍ത്ത പങ്കിട്ടത്. കുഞ്ഞിന്റെ പേരും വെളിപ്പെടുത്തി.

 

ദേവ് നിധിമൊരു എന്നാണ് തങ്ങളുടെ ആദ്യത്തെ കണ്‍മണിയ്ക്ക് സമാന്തയും രാജും പേരിട്ടിരിക്കുന്നത്. ”ഞങ്ങളുടെ സുന്ദരനായ കുഞ്ഞ്, ദേവ് നിധിമൊരു. 19.11.2026, ഞങ്ങളുടെ ഹൃദയം ഏറ്റവും കൂടുതല്‍ സന്തോഷം അനുഭവിച്ച സമയം” എന്ന കുറിപ്പോടെയാണ് കുഞ്ഞിന്റെ വരവ് താരങ്ങള്‍ അറിയിച്ചിരിക്കുന്നത്. പിന്നാലെ നിരവധി പേരാണ് സാമന്തയ്ക്കും രാജിനും ആശംസകളുമായെത്തുന്നത്.

 

ജൂണ്‍ 24ന് മാ ഇന്‍തി ബംഗാരം എന്ന ചിത്രത്തിന്റെ വിജയാഘോഷ വേളയിലാണ് താന്‍ ഗര്‍ഭിണിയാണെന്നും സിനിമയില്‍ നിന്നും കുറച്ച്കാലത്തേക്ക് ഇടവേളയെടുക്കുകയാണെന്നും സാമന്ത അറിയിച്ചത്. ചിത്രത്തിന്റെ ചിത്രീകരണത്തിനിടെയാണ് താന്‍ ഗര്‍ഭിണിയാണെന്ന് അറിയുന്നതെന്നും സാമന്ത പറഞ്ഞിരുന്നു. സെപ്റ്റംബറില്‍ നടന്ന സാമന്തയുടെ ബേബി ഷവറിന്റെ ചിത്രങ്ങളും വൈറലായിരുന്നു.

 

2025 ഡിസംബറിലായിരുന്നു സാമന്തയും രാജും വിവാഹിതരാകുന്നത്. ദ ഫാമിലി മാന്റെ സെറ്റില്‍ വച്ചാണ് സാമന്തയും രാജും കണ്ടുമുട്ടുന്നത്. പിന്നീട് ഇരുവരും പ്രണയത്തിലാവുകയും വിവാഹം കഴിക്കുകയുമായിരുന്നു. ഡിസംബര്‍ 1 നായിരുന്നു വിവാഹം. കൊയമ്പത്തൂരിലെ ഇഷ യോഗ സെന്ററില്‍ വച്ചായിരുന്നു വിവാഹം നടന്നത്.

  • Related Posts

    ദിവസവും ഫോൺ ചാർജ് ചെയ്താൽ കറണ്ട് ബില്ല് കൂടുമോ? ഒരു മാസത്തെ വൈദ്യുതി ഉപഭോഗം ഇത്രമാത്രം; അറിയാം ഞെട്ടിക്കുന്ന കണക്കുകൾ

    Spread the love

    Spread the loveഇന്നത്തെ കാലത്ത് എല്ലാവരുടെയും നിത്യജീവിതത്തിന്റെ ഭാഗമായ സ്മാർട്ട്ഫോണുകൾ ദിവസവും ചാർജ് ചെയ്യുന്നത് വൈദ്യുതി ബില്ലിൽ വലിയ വർധനവുണ്ടാക്കുമോ എന്ന സംശയം പലർക്കുമുണ്ട്. സാധാരണയായി ഇപ്പോഴത്തെ സ്മാർട്ട്ഫോണുകളിൽ 5,000mAh ബാറ്ററിയാണ് കാണപ്പെടുന്നത്. ഏകദേശം 4 വോൾട്ട് ശേഷിയുള്ള ഈ ബാറ്ററിയിൽ…

    ‘സീത മാത്രമല്ല നിത്യയും ഞെ‌ട്ടിച്ചു’! സായ് പല്ലവിയെ തേടി കരൺ ജോഹറും യഷ് രാജ് ഫിലിംസും; വമ്പൻ ഓഫറുകളെന്ന് റിപ്പോർട്ട്

    Spread the love

    Spread the love‘ഓ.എം’ (O.M) എന്ന ചിത്രത്തിലെ പ്രകടനത്തിന് പിന്നാലെ നടി സായ് പല്ലവിയെ തേടി ബോളിവുഡിലെ പ്രമുഖ നിർമാണ കമ്പനികളെത്തിയെന്ന് റിപ്പോർട്ടുകൾ. കരൺ ജോഹറിന്റെ ധർമ പ്രൊഡക്ഷൻസും യഷ് രാജ് ഫിലിംസും സായ് പല്ലവിയെ പുതിയ പ്രൊജക്ടുകൾക്കായി സമീപിച്ചിട്ടുണ്ടെന്നാണ് വിവിധ…

    Leave a Reply

    Your email address will not be published. Required fields are marked *