വാഹനപരിശോധനയ്ക്കിടെ എക്‌സൈസ് ഇൻസ്‌പെക്ടറെ ബൈക്കിടിപ്പിച്ച് വീഴ്ത്തി; രണ്ടുപേർ അറസ്റ്റിൽ

Spread the love

തൊടുപുഴ: വാഹനപരിശോധനയ്ക്കിടെ കൈകാണിച്ചിട്ടും നിർത്താതെ എക്‌സൈസ് ഇൻസ്‌പെക്ടറെ ബൈക്കിടിപ്പിച്ച് വീഴ്ത്തിയ സംഭവത്തിൽ രണ്ട് യുവാക്കളെ പോലീസ് അറസ്റ്റ് ചെയ്തു. കോതമംഗലം കടവൂർ പുന്നമറ്റം കുരിശിങ്കൽ വീട്ടിൽ ടെൻസ് (23), കുമാരമംഗലം മുത്താരംകുന്ന് തുരുത്തുംമാലിൽ രോഹിത് (22) എന്നിവരാണ് പിടിയിലായത്. ഇവർക്കെതിരെ പോലീസ് വധശ്രമത്തിന് കേസെടുത്തു.

 

കഴിഞ്ഞ വെള്ളിയാഴ്ച (നവംബർ 20) വൈകീട്ട് 6.30-ഓടെ കുമാരമംഗലം പാറഭാഗത്ത് മാട്ടുപ്പാറയ്ക്ക് സമീപമായിരുന്നു സംഭവം. തൊടുപുഴ റെയ്ഞ്ച് എക്‌സൈസ് ഇൻസ്‌പെക്ടർ ലീജോ ഉമ്മന്റെ നേതൃത്വത്തിലുള്ള സംഘം വാഹനപരിശോധന നടത്തുന്നതിനിടെ, പാറ ഭാഗത്തുനിന്ന് മൈലക്കൊമ്പ് ഭാഗത്തേക്ക് വന്ന ബൈക്ക് പരിശോധനയ്ക്കായി കൈകാണിച്ചു നിർത്താൻ ആവശ്യപ്പെടുകയായിരുന്നു. എന്നാൽ നിർത്താതെ മുന്നോട്ടുപോയ ബൈക്ക് ഇൻസ്‌പെക്ടർ ലീജോ ഉമ്മനെ ഇടിച്ചുതെറിപ്പിക്കുകയും കാലിനുമുകളിലൂടെ കയറിയിറങ്ങുകയും ചെയ്തു.

 

ഇടിയുടെ ആഘാതത്തിൽ ബൈക്ക് മറിഞ്ഞുവീണ് പ്രതികൾക്കും പരിക്കേറ്റു. തുടർന്ന് നടത്തിയ പരിശോധനയിൽ യുവാക്കളുടെ പക്കൽനിന്ന് ഏഴ് ഗ്രാം കഞ്ചാവ് എക്‌സൈസ് സംഘം പിടിച്ചെടുത്തു. കഞ്ചാവ് കൈവശം വെച്ചതിന് സ്റ്റേഷൻ ജാമ്യം നൽകിയെങ്കിലും, ഉദ്യോഗസ്ഥനെ വാഹനമിടിപ്പിച്ച് പരിക്കേൽപ്പിച്ച സംഭവത്തിൽ വധശ്രമക്കുറ്റം ചുമത്തി പോലീസ് ഇരുവരെയും അറസ്റ്റ് ചെയ്യുകയായിരുന്നു.

  • Related Posts

    കെ.എ.എസ് നിയമന ചട്ടങ്ങൾ പരിഷ്കരിക്കുന്നു; എട്ടുവർഷം കഴിഞ്ഞാൽ ഐഎഎസിന് പരിഗണിക്കില്ല

    Spread the love

    Spread the loveതിരുവനന്തപുരം: കേരള അഡ്മിനിസ്ട്രേറ്റീവ് സർവീസിൽ (കെ.എ.എസ്) നിയമന രീതിയിൽ മാറ്റങ്ങൾ വരുത്താൻ സർക്കാർ. നിലവിലെ ചട്ടങ്ങളിൽ ഭേദഗതി നിർദേശിച്ചുള്ള കരട് വിജ്ഞാപനം പുറത്തിറക്കി. രണ്ടാം ബാച്ചിലെ റാങ്ക് ലിസ്റ്റിലുള്ളവർക്ക് നിയമനത്തിന് വഴിയൊരുക്കുകയാണ് ഭേദഗതിയുടെ ലക്ഷ്യമെന്നാണ് സർക്കാരിന്റെ നിലപാട്. എന്നാൽ,…

    വമ്പൻ ഇടപാട്; ബൈജു രവീന്ദ്രന്റെ കുടുംബക്കാരുടെ ഭൂമി വാങ്ങി മീശോ സിഇഒ; മുടക്കിയത് 83.8 കോടി!

    Spread the love

    Spread the loveഇ-കൊമേഴ്സ് പ്ലാറ്റ്ഫോമായ മീഷോയുടെ സഹസ്ഥാപകനും സിഇഒയുമായ വിദിത് ആത്രേ, ബൈജു രവീന്ദ്രന്റെ കുടുംബാംഗങ്ങളിൽ നിന്ന് ബെംഗളൂരുവിലെ ആഡംബര വില്ലാ പ്ലോട്ടുകൾ 83.8 കോടി രൂപയ്ക്ക് സ്വന്തമാക്കി. കിഴക്കൻ ബെംഗളൂരുവിലെ പ്രമുഖ പാർപ്പിട സമുച്ചയമായ ‘എപ്സിലോൺ റസിഡൻഷ്യൽ വില്ലാസിൽ’ അടുത്തടുത്തായി…

    Leave a Reply

    Your email address will not be published. Required fields are marked *