കറാച്ചി: പാകിസ്താനില്‍ നിര്‍ത്തിയിട്ടിരുന്ന ആംബുലന്‍സ് പൊട്ടിത്തെറിച്ച് രോഗി ഉള്‍പ്പെടെ പത്ത് പേര്‍ക്ക് ദാരുണാന്ത്യം. സിന്ധ് പ്രവിശ്യയിലെ ഥാര്‍പാര്‍ക്കര്‍ ജില്ലയിലുള്ള സര്‍ക്കാര്‍ ആരോഗ്യ കേന്ദ്രത്തില്‍ ബുധനാഴ്ച അര്‍ധരാത്രിയോടെ ആയിരുന്നു സംഭവം. രോഗിയുടെ ബന്ധുക്കള്‍, ആരോഗ്യ കേന്ദ്രത്തിലെ ജീവനക്കാര്‍ എന്നിവര്‍ അടക്കമാണ് കൊല്ലപ്പെട്ടതെന്ന് ജില്ലാ പൊലീസ് മേധാവി ആരിഫ് അസീസ് പറഞ്ഞു.