സമയക്രമത്തെച്ചൊല്ലിയുള്ള തർക്കം; കോഴിക്കോട്ട് നിർത്തിയിട്ടിരുന്ന രണ്ട് സ്വകാര്യ ബസ്സുകളുടെ ചില്ലുകൾ തകർത്തു

Spread the love

കോഴിക്കോട്: സർവീസ് സമയത്തെച്ചൊല്ലിയുള്ള തർക്കത്തെത്തുടർന്ന് കോഴിക്കോട്ട് രണ്ട് സ്വകാര്യ ബസ്സുകളുടെ ചില്ലുകൾ അടിച്ചുതകർത്തു. മാവൂർ-കോഴിക്കോട്, മുക്കം-കോഴിക്കോട് റൂട്ടുകളിൽ സർവീസ് നടത്തുന്ന ഉത്രാടം ഗ്രൂപ്പിന്റെ ‘സ്വരരാഗം’, ‘മഞ്ജു’ എന്നീ ബസ്സുകൾക്ക് നേരെയാണ് ആക്രമണമുണ്ടായത്. ശനിയാഴ്ച (നവംബർ 21) പുലർച്ചെ ഒന്നരയ്ക്കും രണ്ടേമുക്കാലിനും ഇടയിലായിരുന്നു സംഭവം.

 

സർവീസ് അവസാനിപ്പിച്ച ശേഷം മുക്കം നഗരത്തിലും പെരുമണ്ണയിലുമായി നിർത്തിയിട്ടിരുന്ന ബസ്സുകളുടെ ചില്ലുകളാണ് ബൈക്കിലെത്തിയ രണ്ടംഗ സംഘം തകർത്തത്. രണ്ട് ദിവസം മുൻപ് സമയക്രമത്തെച്ചൊല്ലി മറ്റ് ബസ് ജീവനക്കാരുമായി തർക്കമുണ്ടായിരുന്നു. ഇതിന് പിന്നാലെ പാളയത്ത് നിർത്തിയിട്ടിരുന്ന ‘സ്വരരാഗം’ ബസ്സിന്റെ താക്കോൽ, മുക്കം മേഖലയിലെ ഏതാനും ബസ്സുകളുടെ നടത്തിപ്പുകാരനായ ബഷീർ എന്നയാൾ ഊരിക്കൊണ്ടുപോയിരുന്നു.

 

ഈ സംഭവത്തിൽ പോലീസിൽ പരാതി നൽകിയതിനെത്തുടർന്ന് ബഷീറിൽ നിന്ന് 7,000 രൂപ ഈടാക്കിയിരുന്നു. ഇതിലുള്ള വിരോധമാണ് പുലർച്ചെയുണ്ടായ ആക്രമണത്തിന് പിന്നിലെന്നാണ് പരാതിയിൽ പറയുന്നത്. സംഭവത്തിൽ പോലീസിൽ ഔദ്യോഗികമായി പരാതി നൽകിയിട്ടുണ്ട്.

  • Related Posts

    കെ.എ.എസ് നിയമന ചട്ടങ്ങൾ പരിഷ്കരിക്കുന്നു; എട്ടുവർഷം കഴിഞ്ഞാൽ ഐഎഎസിന് പരിഗണിക്കില്ല

    Spread the love

    Spread the loveതിരുവനന്തപുരം: കേരള അഡ്മിനിസ്ട്രേറ്റീവ് സർവീസിൽ (കെ.എ.എസ്) നിയമന രീതിയിൽ മാറ്റങ്ങൾ വരുത്താൻ സർക്കാർ. നിലവിലെ ചട്ടങ്ങളിൽ ഭേദഗതി നിർദേശിച്ചുള്ള കരട് വിജ്ഞാപനം പുറത്തിറക്കി. രണ്ടാം ബാച്ചിലെ റാങ്ക് ലിസ്റ്റിലുള്ളവർക്ക് നിയമനത്തിന് വഴിയൊരുക്കുകയാണ് ഭേദഗതിയുടെ ലക്ഷ്യമെന്നാണ് സർക്കാരിന്റെ നിലപാട്. എന്നാൽ,…

    വമ്പൻ ഇടപാട്; ബൈജു രവീന്ദ്രന്റെ കുടുംബക്കാരുടെ ഭൂമി വാങ്ങി മീശോ സിഇഒ; മുടക്കിയത് 83.8 കോടി!

    Spread the love

    Spread the loveഇ-കൊമേഴ്സ് പ്ലാറ്റ്ഫോമായ മീഷോയുടെ സഹസ്ഥാപകനും സിഇഒയുമായ വിദിത് ആത്രേ, ബൈജു രവീന്ദ്രന്റെ കുടുംബാംഗങ്ങളിൽ നിന്ന് ബെംഗളൂരുവിലെ ആഡംബര വില്ലാ പ്ലോട്ടുകൾ 83.8 കോടി രൂപയ്ക്ക് സ്വന്തമാക്കി. കിഴക്കൻ ബെംഗളൂരുവിലെ പ്രമുഖ പാർപ്പിട സമുച്ചയമായ ‘എപ്സിലോൺ റസിഡൻഷ്യൽ വില്ലാസിൽ’ അടുത്തടുത്തായി…

    Leave a Reply

    Your email address will not be published. Required fields are marked *