spotnewswebsite@gmail.com
ലഖ്നൗ: ഉത്തര്പ്രദേശിലെ കാന്പൂരില് ഒരു സ്ത്രീയും അവരുടെ മരുമകനും തമ്മില് വിവാഹം കഴിച്ചതായി അവകാശപ്പെടുന്ന ദൃശ്യങ്ങള് സോഷ്യല്മീഡിയയില് വൈറല്. അത്യപൂര്വ സംഭവം സോഷ്യല്മീഡിയയില് ചര്ച്ചയായതോടെ, പൊലീസ് അന്വേഷണം ആരംഭിച്ചു.
അക്ബര്പൂര് മേഖലയിലാണ് ഈ സംഭവം. ഞായറാഴ്ച ഉച്ചയോടെയാണ് ഈ വീഡിയോ വ്യാപകമായി പ്രചരിക്കാന് തുടങ്ങിയത്. ദൃശ്യങ്ങളില്, മാലയണിഞ്ഞ് വിവാഹ സര്ട്ടിഫിക്കറ്റുമായി നില്ക്കുന്ന ദമ്പതികളെ കാണാം. തങ്ങളുടെ ഈ ബന്ധത്തെ ന്യായീകരിച്ചുകൊണ്ട് സംസാരിക്കുന്ന അമ്മായിയമ്മയും മരുമകനും പൊതുജനങ്ങള് തങ്ങളെ അംഗീകരിക്കണമെന്നും പിന്തുണയ്ക്കണമെന്നും വീഡിയോയിലൂടെ ആവശ്യപ്പെടുന്നുണ്ട്. വിഡിയോയുടെ സത്യാവസ്ഥ സ്ഥിരീകരിച്ചിട്ടില്ല.
ഈ വിഡിയോടുള്ള സോഷ്യല്മീഡിയ പ്രതികരണങ്ങള് സമ്മിശ്രമാണ്. നിലവില്, ഇതുമായി ബന്ധപ്പെട്ട കുടുംബങ്ങളുടെ ഭാഗത്തുനിന്ന് പ്രതികരണങ്ങളൊന്നും ഉണ്ടായിട്ടില്ല. എന്നാല് ഇതുവരെ ഒരു കക്ഷിയും പരാതിയൊന്നും നല്കിയിട്ടില്ല. ഈ സ്ത്രീയും മരുമകനും തമ്മില് ദീര്ഘകാലമായി അടുത്ത ബന്ധമുണ്ടായിരുന്നതായി പ്രദേശവാസികള് വ്യക്തമാക്കുന്നു.
വിവാഹം നടന്ന സമയത്തെയും സ്ഥലത്തെയും കുറിച്ചുള്ള വിശദാംശങ്ങള് ഇപ്പോഴും വ്യക്തമല്ല. കൂടാതെ, വിവാഹവുമായി ബന്ധപ്പെട്ട രേഖകളൊന്നും ഔദ്യോഗികമായി പുറത്തുവിട്ടിട്ടുമില്ല.
