കല്പ്പറ്റ: കല്പ്പറ്റയില് 22.11.2026 ഞായറാഴ്ച ട്രാഫിക് നിയന്ത്രണങ്ങളുണ്ടാകുമെന്ന് പോലീസ് അറിയിച്ചു. ഉച്ച കഴിഞ്ഞ് 2 മണി മുതൽ വൈകീട്ട് 5:30 മണി വരെയാണ് നിയന്ത്രണം.
ചരക്കു യാത്രാ വാഹനങ്ങളെല്ലാം തന്നെ കൽപറ്റ ബൈപാസ്സ് റോഡ് വഴി മാത്രം പോവേണ്ടതാണ്.
കല്പറ്റയിലെ റാലിയിൽ പങ്കെടുക്കാനെത്തുന്ന വാഹനങ്ങൾ ;
– ചുണ്ടേൽ ഭാഗത്തുനിന്നും വരുന്ന വാഹനങ്ങള് ജനമൈത്രി ജംഗ്ഷനില് ആളുകളെ ഇറക്കിയ ശേഷം ബൈപ്പാസ് റോഡ് അരികില് പാര്ക്ക് ചെയ്യേണ്ടതാണ്.
– ബത്തേരി ഭാഗത്തുനിന്നും വരുന്ന വാഹനങ്ങള് കൈനാട്ടിയില് നിന്ന് ബൈപ്പാസ് റോഡ് വഴി ജനമൈത്രി ജംഗ്ഷനില് ആളുകളെ ഇറക്കി ബൈപ്പാസ് റോഡില് പാര്ക്ക് ചെയ്യേണ്ടതാണ്.
– മാനന്തവാടി ഭാഗത്തുനിന്നുമുള്ള വാഹനങ്ങള് ബൈപ്പാസ് റോഡിലൂടെ ജനമൈത്രി ജംഗ്ഷനില് എത്തി ആളുകളെ ഇറക്കി വാഹനങ്ങള് പുളിയാര്മല ഭാഗത്ത് പാര്ക്ക് ചെയ്യേണ്ടതാണ്.
– പടിഞ്ഞാറത്തറ ഭാഗത്തുനിന്നും വരുന്ന വാഹനങ്ങള് വെയർ ഹൗസിനു സമീപം ആളുകളെയിറക്കി തിരിച്ചു പോവേണ്ടതാണ്
– മേപ്പാടി ഭാഗത്തുനിന്നും വരുന്ന വാഹനങ്ങള് ജനമൈത്രി ജംഗ്ഷനില് ആളെ ഇറക്കി ബൈപ്പാസില് പാര്ക്ക് ചെയ്യേണ്ടതാണ്.
മറ്റു യാത്രാ വാഹനങ്ങൾ ;
– ബത്തേരി ഭാഗത്ത് നിന്നും മാനന്തവാടി ഭാഗത്ത് നിന്നും കോഴിക്കോട് ഭാഗത്തേക്ക് പോകുന്ന കെ.എസ്.ആര്.ടി.സി, സ്വകാര്യ ബസുകള് കല്പ്പറ്റ കൈനാട്ടി ജങ്ഷന് കഴിഞ്ഞുള്ള ബൈപ്പാസ് റോഡില് കയറി ആളെയിറക്കുകയും കയറ്റുകയും ചെയ്ത ശേഷം കല്പ്പറ്റ ബൈപാസിലൂടെ പോകുക.
– കോഴിക്കോട് നിന്നും മാനന്തവാടി, ബത്തേരി ഭാഗത്തേക്ക് വരുന്ന കെ.എസ്.ആര്.ടി.സി, സ്വകാര്യ ബസുകള് കല്പ്പറ്റ ജനമൈത്രി ജംഗ്ഷന് കഴിഞ്ഞുള്ള ബൈപാസ് റോഡിലൂടെ കയറി ആളെയിറക്കുകയും കയറ്റുകയും ചെയ്ത ശേഷം ബൈപാസിലൂടെ തന്നെ പോകുക.
– വടുവന്ചാല് ഭാഗത്ത് നിന്നും വരുന്ന കെ.എസ്.ആര്.ടി.സി, സ്വകാര്യ ബസുകള് ജനമൈത്രി ജങ്ഷനിൽ ആളുകളെ ഇറക്കി ബൈപാസിലേക്ക് കയറുക.
– ബത്തേരി ഭാഗത്ത് നിന്നും മാനന്തവാടി ഭാഗത്ത് നിന്നും കല്പ്പറ്റക്ക് വരുന്ന വാഹനങ്ങൾ കൈനാട്ടി ജനമൈത്രി ജംഗ്ഷനുകളിൽ ആളെയിറക്കി യാത്ര തുടരേണ്ടതാണ്
ചരക്കു വാഹനങ്ങളും മറ്റു യാത്രാ വാഹനങ്ങളും കല്പ്പറ്റ ബൈപാസ് റോഡ് മാത്രം ഉപയോഗിക്കുക.








